Keçid linkləri

2024, 29 Mart, Cümə, Bakı vaxtı 12:49

Ukrayna separatçılara maliyyəni kəsir


Arxiv foto
Arxiv foto


Ukraynanın baş naziri Arseniy Yatsenyuk deyir ki, Kiyev ölkənin şərqinə maliyyəni kəsir və “terrorçular” rusiyayönlü separatçıların nəzarətində olan həmin hissəni tərk etməyənədək maliyyə bərpa olunmayacaq.

Yatsenyuk noyabrın 5-də kabinetin iclasında çıxış edib. Lakin onu da söyləyib ki, “sıravi adamlara” qışda kömək məqsədilə Luqansk və Donetsk regionlarına qaz və elektrik təchizatı qalacaq.

Onun sözlərinə görə, hökumət separatçıların nəzarətində olan ərazilərə 2.6 milyard dollarlıq büdcə vəsaitini ayırmayacaq.

Yatsenyuk bildirib ki, noyabrın 2-də seçki keçirməklə hökumətə meydan oxuyan separatçılar maliyyə məsələlərinin də qayğısına qalmalıdırlar. “Kiyev fırıldaqçılara pul verməyəcək,” o, söyləyib.

Baş nazir sosial ödənişlər daxil olmaqla, maliyyə yardımının Kiyev həmin ərazilərə nəzarəti qaytarandan sonra bərpa olunacağını deyib. Yatsenyuk Moskvanı da separatçıları dəstəyi dayandırmağa çağırıb.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG