- Rusiyanın populyar "Exo Moskvı" radiosu Ukrayna haqqında hazırladığı proqrama görə rəsmi xəbərdarlıq alıb. Radionun rəsmi veb səhifəsində bildirilir ki, oktyabrın 31-də Rusiyanın komunikasiyaya nəzarət edən Roskomnadzor onlara xəbərdarlıq məktubu yollayıb.
Xəbərdarlıq Exo Moskvanın 2 jurnalisti haqqındadır. Roskomnadzor onları Rusiyayönlü yaraqlılarla Ukrayna ordusu arasındakı döyüşlərdəki itkilərin sayını açıqlamaqda ittiham edərək iddia edir ki, bu məlimatlar "müharibə cinayətlərinə haqq qazandırır".
Radionun baş redaktoru Aleksei Venediktov bu xəbərdarlıqdan şikayət edəcəklərini bildiridib.
Rusiya qanunlarına görə media qurumları 2 dəfə xəbərdarlıq alarsa bağlana bilər.