-
Azərbaycanlı alim, AMEA Nizami Gəncəvi adına Milli Azərbaycan Ədəbiyyatı Muzeyinin direktoru, akademik Rafael Hüseynov Yaxın və Orta Şərq xalqlarının orta əsrlərdə yaranmış ədəbiyyatı və mədəniyyətini araşdırmaq və dünya miqyasında uğurla təbliğ etmək istiqamətindəki səmərəli fəaliyyətlərinə görə Böyük Britaniyada “Elmdə ad” Beynəlxalq mükafatına layiq görülüb.
AMEA-nın verdiyi məlumata görə Oksford şəhərinin tarixi tikililərindən olan şəhər ratuşa binasında keçirilən tədbirdə azərbaycanlı alim “Dünya elminə töhfələrinə görə” medalı ilə təltif olunub.
Dünyanın 30-dan artıq ölkəsindən gəlmiş alimlərin iştirakı ilə keçirilən təntənəli təltifetmə mərasimində Rafael Hüseynov çıxış edib.
Beynəlxalq Sokrat Komitəsinin qərarı ilə Rafael Hüseynovun adı XXI əsrin Görkəmli Alimlərinin Dünya Reyestrinə daxil edilib.
