Keçid linkləri

2024, 29 Mart, Cümə, Bakı vaxtı 05:02

Leonardo da Vinci-nin ixtira etdiyi musiqi aləti 500 il sonra düzəldildi [Dinlə]


-

Dahi italyan rəssamı və ixtiraçısı Leonardo da Vinci "Viola Organista" adlandırdığı musiqi alətinin layihəsini cızsa da, bir çox ideyaları kimi o da kağız üzərində qalmışdı.

Onun ölümündən təxminən 500 il sonra Leonardo-nun arzuladığı musiqi aləti gerçəyə çevrilib.

Polyak pianoçusu Slawomir Zubrzycki Viola Organista-nı düzəltməyə həyatının 3 ilini sərf edib. (Ardı aşağıda)

Bu, üç musiqi alətinin sintezidir: orqan, klavesin və viola.

Musiqi alətinin daxilində, Leonardonun təsvir etdiyi kimi, çarxlar quraşdırılıb. İfaçı pedalı basanda çarxlar fırlanmağa və simlərə toxunmağa başlayır. Çıxan səs, tembrinə görə, violonçeli xatırladır.

Slawomir Zubrzycki düzəltdiyi musiqi alətini Krakovdakı Musiqi Akademiyasında təqdim edib.

Pianoçu deyir ki, Leonardonun bloknotunda cızılmış Viola organistanın layihəsində bütün detallar verilmir. Amma musiqidən anlayışı olan adam dərhal onun nə düzəltmək istədiyini anlayır.

Simli və klavişli musiqi alətlərini sintez etməyə təkcə Leonardo cəhd etməyib. 1575-ci ildə alman ixtiraçısı Hans Hayden geykenverk adlı musiqi aləti düzəltmişdi.

Viola organista layihəsi Leonardo da Vinci-nin bloknotunda
Viola organista layihəsi Leonardo da Vinci-nin bloknotunda

Leonardo da Vinci, avtoportret
Leonardo da Vinci, avtoportret

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG