-
Milli Şuranın oktyabrın 12-nə təyin etdiyi mitinqə Bakı şəhər İcra Hakimiyyəti razılıq verib.
Bu barədə AzadlıqRadiosuna Bakı şəhər İcra Hakimiyyəti ictimai-siyasi şöbəsinin müdiri Zaur Ramazanov məlumat verib.
Onun dediyinə görə, icra hakimiyyəti mitinqin metronun «İnşaatçılar» stansiyası yaxınlığındakı «Məhsul» stadionunda keçirilməsinə razılıq verib.
Milli Şuranın Koordinasiya Mərkəzi sentyabrın 30-da keçirdiyi yığıncağında siyasi mitinq keçirilməsinə qərar verib. Mitinq təqiblərə son qoyulması və siyasi məhbusların dərhal azadlığa buraxılması tələbi ilə keçiriləcək.