Keçid linkləri

Təcili xəbərlər
2021, 01 Mart, Bazar ertəsi, Bakı vaxtı 05:37

Donetsk döyüşlərində Qırmızı Xaç əməkdaşı həlak olub


Donetsk aeroportu ətrafında ağır döyüşlər
Gözlə

No media source currently available

0:00 0:01:44 0:00

Donetsk aeroportu ətrafında ağır döyüşlər

-

Oktyabrın 2-də Donetskin mərkəzində yerləşən Qırmızı Xaç təşkilatının offisinə mərmilər düşüb, nəticədə təşkilatın isveçrəli əməkdaşı həlak olub. Qərb agentliklərinin yaydığı bu xəbəri Qırmızı Xaçdan təsdiq ediblər. Hadisənin axşam saat 7 radələrində baş verdiyi bildirilir.

Sentyabrın əvvələrində Ukrayna rəhbərliyi və Donbass separatçıları arasında atəşkəs razılaşması əldə olunsa da, Donetsk şəhərində bu razılaşma gündəlik olaraq pozulurdu.

Döyüşlər, əsasən şəhərin şimal kənarında olan aeroport uğrunda gedir. Burada mövqe tutan Ukrayna ordusu aeroportu Rusiyameylli yaraqlıların hücumlarından qorumağa çalışır. Separatçılar iddia edirlər ki, Donetsk şəhəri məhz buradan artilleriya zərbələrinə məruz qalır. Kiyev iddiaları rədd edərək, aeroportu ancaq müdafiə etdiyini və bura hücum edənlərə atəş açdığını deyir.

Son günlər separatçılar dəfələrlə xəbər yayıb aeroportu ələ keçirdiklərini elan etsələr də, Ukrayna ordusu bunu təkzib edir.

Oktyabrın 1-də Donetskdə gedən döyüşlərdə 10 nəfərin həlak olduğu bildirilirdi.

XS
SM
MD
LG