Ukraynanın hərbi sözcüsü bildirib ki, Kiyev Ukraynanın şərqində atəşkəsə tam əməl edilməyənədək qoşunlarını geri çəkməyəcək.
Ukraynanın Milli təhlükəsizlik və Mudafiə şurasının sözcüsü Andriy Lysenko sentyabrın 21-də bildirib ki, atəşkəsə baxmayaraq ötən gün 2 nəfər ölüb, bir neçə nəfər yaralanıb.
O bildirib ki, Ukraynanın öz qoşunlarını geri çəkməsi Rusiyanın öz qoşunlarını geri çəkməsi ilə eyni vaxtda ola bilər.
Rusiya Ukraynada qoşunlarının olmasını inkar edir.
Lysenko bildirir ki, sentyabrın 20-də üsyançılar Ukrayna qüvvələrinə 22 yerdə atəş açıb.
Sentyabrın 20-də Minskdə əldə olunmuş razılaşmaya görə cəbhə xəttində bufer zonası yaradılmalı, tərəflər öz ağır silahlarını geri çəkməlidir.