ABŞ Məxfi Xidməti Ağ Evin təhlükəsizliyini gücləndirir. Məxfi Xidmətin rəhbəri Julia Pierson Ağ Evin şimal hasarı boyunca patrulların və müşahidə qurğularının gücləndirilməsinə əmr verib.
Sentyabrın 19-da 42 yaşlı Omar Gonzalez adlı bir nəfər Ağ Evin hasarını aşaraq prezidentin iqamətgahının qapısına qədər qaça bildi. Onu yalnız qapıda, kəndarı keçəndən sonra tuta bildilər.
Axtarış zamanı Gonzalesin üstündən bıçaq tapılıb.
Bıçağın tiyəsi 6 sm-dən bir qədər çox olub.
O da məlum olub ki, Texas ştatından olan 42 yaşlı Gonzalez 18 il ABŞ-ın quru qoşunlarında xidmət edib.
O, İraqda 6 il xidmət edib.
Gonzales İraqda xüsusi təyinatlı qoşunlarda snayper olub.
İndiyə kimi onun qanunla heç bir problemi olmayıb.
Ancaq son 2 ildə faktiki olaraq evsiz imiş.
Gonzalesin keçmiş həyat yoldaşının oğlu ifadə verib ki, Gonzalez travmadan sonrakı stresdən əziyyət çəkir, onun heç bir pis niyyəti olmayıb.
Gonzalesi həbs edən məxfi xidmət işçilərinin dediyinə görə, Gonzalez Ağ Evə girməyini “mühitin psiləşməsi” barədə prezidentə məlumat vermək istəməyi ilə izah edib.