-
Xırdalanda yaşayış binasında partlayış nəticəsində xəsarət alan şəxslərdən biri vəfat edib.
Bu barədə apa-ya Respublika Yanıq Mərkəzindən məlumat verilib.
Partlayışda ağır xəsarət alan Vidadi İsmayılov sentyabrın 13-də səhərə yaxın xəstəxanada keçinib.
V. İsmayılov «Aztelekom» İstehsalat Birliyində İctimaiyyətlə əlaqələr üzrə baş mütəxəssis vəzifəsində çalışırdı.
Sentyabrın 8-də Abşeron rayonunun Xırdalan şəhərində beşmərtəbəli yaşayış binasında partlayış baş verib.
Həmin binada Qubadlı rayonundan olan məcburi köçkünlər məskunlaşmışdılar.
Xilasetmə tədbirləri zamanı 8 adam dağıntılar arasından çıxarılıb.
Vidadi İsmayılovun vəfatı ilə hadisə zamanı ölənlərin sayı 4-ə çatıb.
Partlayışın qaz sızmasından baş verdiyi ehtimal edilir.