-
Avqustun 25-də Bakı Apellyasiya Məhkəməsi həbsdə olan AXCP fəalı Murad Ədilovun şikayətinə baxıb.
Bu haqda AzadlıqRadiosuna vəkil Yalçın İmanov məlumat verib. Onun dediyinə görə, məhkəmə həbs-qətimkan tədbirinin ləğvi ilə bağlı vəsatəti təmin etməyib.
Sabirabad rayonu Xəlfəli kənd sakini, AXCP üzvü Murad Ədilov avqustun 11-də saxlanılıb. Elə həmin gün evlərində axtarış aparılıb. O, narkotik maddə saxlamaqda ittiham edilir.
Avqustun 13-də Nərimanov rayon Məhkəməsi onun haqqında 3 aylıq həbs qərarı çıxarıb. Müdafiə tərəfi həmin qərardan apelyasiya şikayəti vermişdi.
Ailəsi və yaxınları isə bu ittihamı rədd edir və həbsin siyasi motivli olduğunu bildirir.