-
Qəzzadan gələn xəbərlərə görə, İsrail ötən gecə azı 16 hava reydi keçirib, iki fələstinli həlak olub.
İsrail avqustun 25-də səhər Qəzzadan ərazisinə azı 10 raket atıldığını bildirir. Ancaq İsrail tərəfdən xəsarət alan olmayıb.
Hava hücumlarında iki məscid dağıdılıb. İsrail bu məscidlərə yaraqlıların getdiyini deyir.
Ədliyyə Nazirliyi rəsmisi Omar al-Bursh-un evinə də zərbə dəyib, ancaq ona xəsarət yetirilməyib.
Qəzzada döyüşlər başlayandan 2.122 fələstinli həlak olub. İsrail tərəfdən 64 əsgər və 4 dinc sakin ölüb.