Ukrayna rəsmiləri Donetsk ətrafında döyüşlərdə son 24 saatda 34 adamın öldüyünü bildirir. Ukrayna daxili işlər nazirinin müşaviri bundan az əvvəl Facebookda yazırdı ki, rusiyapərəst yaraqlılarla döyüşlərdə 9 hərbçi ölüb.
Onun sözlərinə görə, Donetsk ətrafındakı İlovaysk şəhərciyinin yarısı hökumət qoşunlarının nəzarətinə keçib. Ancaq yaraqlılar bir gündür ki, kəskin müqavimət göstərir.
Ukraynanın şərqində 4 aydan çoxdur ki, davam edən döyüşlərdə 2 min hərbçi ölüb.
Rusiyanın Ukraynanın şərqinə göndərmək istədiyi humanitar yardım isə hələ də Ukrayna sərhəddindədir. Ukrayna bildirir ki, yaraqlılar təhlükəsizlik təminatı verməyincə yük maşınları Ukraynaya buraxılmayacaq.