-
Pakistan ordusu hökuməti və müxalifət liderlərini çağırır ki, siyasi böhranı dialoqla həll etsinlər.
Avqustun 20-də yayılmış bəyanatda ordu bildirib:
«Bütün tərəflər fikir ayrılıqlarının həlli üçün dərhal dialoqa başlamalıdır».
Minlərlə anti-hökumət etirazçısı avqustun 19-da parlamentə doğru yürüş edib. Həmin bina yüksək təhlükəsizlik zonasında yerləşir. Onlar təhlükəsizlik qüvvələrinin müqaviməti ilə üzləşməyib.
Keçmiş kriket ulduzu İmran Khan və mühafizəkar ruhani Tahir ul-Qadri baş nazir Nawaz Sharif-in istefası tələbiylə etirazlara rəhbərlik edir. Onlar ötən ilki seçkinin saxtalaşdırıldığını bildirir.