Keçid linkləri

2017, 29 Aprel, şənbə, Bakı vaxtı 07:56

“16 ildir bu küçədə qaz yoxdur. 3 il əvvəl isə gəlib olan-qalan qaz xətlərini də kəsib atdılar kənara. Dedilər yeniləri çəkiləcək, sonra da qaz veriləcək. Düz 3 ildir gediblər, səs-soraqları yoxdur”.

Bunları AzadlıqRadiosunun “Qaynar xətt”inə Cəlilabadın Göytəpə kəndində yaşayan Azad Rəhimov deyir. Onun sözlərinə görə, ətraf küçələrdəki mənzillərə maye qaz verilsə də, Əli Qədirli küçəsində yaşayanlar hələ də odunla qızınırlar:

BU KÜÇƏDƏ AZI 180 AİLƏ YAŞAYIR

“Qazancımızın çox hissəsi oduna gedir. Kəsib atdıqları qaz xətləri hələ də küçədə qalıb”.

Əli Qədirli küçəsində azı 180 ailə yaşayır. Sakinlər yerli icra hakimiyyətinə və qaz idarəsinə dəfələrlə şikayət ediblər. Bu şikayətlər də müsbət nəticə verməyib.

Cəlilabadın Qaz İstismar İdarəsindən “Qaynar xətt”ə bildiriblər ki, kəndlərdə küçələrin qazlaşdırılması növbəli qaydada aparılır. Yaxın vaxtlarda qaz xətti çəkənlər Əli Qədirli küçəsinə də gəlib çıxacaqlar. Sakinlər isə inanmırlar:

“Bizə də həmişə eyni sözü deyirlər. 16 ildir deyirlər. Görəsən nə vaxt sözdən əmələ keçəcəklər? Artıq inamımız qalmayıb”.

Yerli qaz idarəsi isə sakinlərə bir qədər də səbr etməyi məsləhət görür.

Siz də şikayətinizi buradan göndərə bilərsiz

  • Zəhmət olmasa təhlükəsizlik üçün nəzərdə tutulan sualları cavablayın *

ƏLAQƏ ÜÇÜN

Çəkdiklərinizi, eləcə də şikaylətlərinizi bizə WhatsApp-dan başqa,

XS
SM
MD
LG