-
«Eurovision» mahnı müsabiqəsinin 2015-ci ildə tamam olacaq 60 illik yubileyi münasibətilə Avropa Yayımları Birliyi yarışmanın loqosunun təkmilləşmiş variantını təqdim edir.
Bakı şəhər Mədəniyyət və Turizm İdarəsinin müsabiqənin rəsmi saytına istinadla yaydığı xəbərə görə, yeni variant 2004-cü ildən mövcud olan loqo əsasında hazırlanıb.
Loqonun yeni variantında «Eurovision» yarışmasının «modern klassikliyini» təsvir edən ürək, eləcə də bu sözün əlyazma forması saxlanılıb.
Ancaq elementlər sadələşdirilmiş düzülüşdə, bayraq bir qədər hərəkətli əks olunub və çıxıntılı detallar aradan qaldırılıb.
Loqoda «Gotham» şriftindən istifadə edilib, eyni zamanda, kiçik ölçüdə detalların itməsinin qarşısı alınıb.
İnsanları bir araya gətirməyin simvolu olan ürəyə xüsusi diqqət yetirilməsi onu daha təsirli edir.
