Hollivudun son 12 ayda ən çox qazanan aktrisası Sandra Bullockdır.
Forbes jurnalının avqustun 4-də açıqladığı siyahıya görə, Bullock bir ildə 51 milyon dollar qazanıb.
Sonrakı yerlərdə Jennifer Lawrence və Jennifer Aniston gəlir.
Hazırda 50 yaşı olan Bullock keçən ilki siyahıda 7-ci idi.
İkinci yerdə gələn 23 yaşlı Jennifer Lawrence bir ildə 34 milyon dollar qazanıb. O, keçən ilki siyahıda da ikinci yerdə idi.
45 yaşlı Aniston bu il 3-cüdür – 31 milyon dollar.
Sonrakı yerlərdə gələnlər - 41 yaşlı Gwyneth Paltrow 19 milyon dollar, 39 yaşlı Angelina Jolie 18 milyon dollar qazanıb.
Jolie keçən il birinci idi.
