-
Ukrayna Luqansk və Donetskdə hərbi əməliyyatlara başladığı gündən indiyədək 325 hərbçisini itirib.
Ukrayna Milli Təhlükəsizlik Şurasının sözçüsü Andriy Lysenko deyib ki, Rusiyameylli separatçılarla aprelin 15-dən başlayan döyüşlərdə 1200-dən çox hərbçi yaralanıb.
Separatçılar və mülki sakinlər arasında da yüzlərlə adamın öldüyü bildirilir.
BMT-nin hesablamalarına əsasən, Ukraynanın şərqində 230 mindən çox adam öz ev-eşiyini tərk edib. Onların 100 mininin Ukraynanın başqa regionlarına, digərlərinin Rusiyaya getdikləri bildirilir.