-
Azərbaycan Prezidenti yanında KİV-in İnkişafına Dövlət Dəstəyi Fondu Səbail rayonunun sosial-iqtisadi inkişafı ilə bağlı fərdi jurnalist yazıları müsabiqəsini elan edib.
Fondun yaydığı məlumatda qeyd edilir ki, bu müsabiqənin məqsədi Səbail rayonunun sosial-iqtisadi və ictimai həyatındakı proseslərin ictimaiyyətə daha yaxından çatdırılmasında peşəkar jurnalist yaradıcılığını stimullaşdırmaqdır.
Müsabiqənin üç yer üzrə mükafat fondu 2400 manatdır. (1-ci yer üçün 1000, ikinci yer üçün 800, üçüncü yer üçünsə 600 manat)
Bundan əlavə, həvəsləndirici mükafat kimi 10 yazı müəllifinə 200 manat pul veriləcək.