Azərbaycanda müəllimlik ixtisasını seçən, yüksək bal toplamış tələbələrə əlavə təqaüd veriləcək. Bu haqda AzadlıqRadiosuna Təhsil nazirliyinin QHT və KİV-lərlə iş sektorunun müdiri Cəsarət Valehov məlumat verib. Onun sözlərinə görə, yeni qayda növbəti tədris ilində tətbiq olunacaq:
«500 baldan yuxarı bal toplayan və müəllimlik ixtisasını 1-ci, yaxud 2-ci yerdə qeyd edərək bu ixtisas üzrə qəbul olunan tələbələrə 100 manat əlavə təqaüd veriləcək. Bu cür tələbələrin sayı 300 nəfər nəzərdə tutulur. Məqsəd müəllimlik ixtisasına daha savadlı tələbələrin cəlb olunmasıdır».