İsraildə 6 nəfər həbs edilib. Onlar fələstinli gəncin qətlində ittiham olunur.
İsrailin rəsmi nümayəndəsi Associated Press agentliyinə deyib ki, qətli araşdıran müstəntiqlər qətldə millətçi motivlərin olduğunu aşkar edib.
İyulun 2-də Qüdsdə 16 yaşlı fələstinli Muhammed Abu Hudayranın yandırılmış meyiti tapılmışdı. Fələstinlilər qətldə İsrail millətçilərini ittiham edir. Bundan əvvəl isə 3 israilli gənc oğurlanıb öldürülmüşdü.
Fələstinli gəncin qətli İsraildə yerli polislə fələstinlilər arasında toqquşmalara səbəb olub.