Erməni deputatlarının Bakıya gəlişinə etiraz olunub

İyunun 16-da Qarabağ Azadlıq Təşkilatının (QAT) bir qrup üzvü NATO Parlament Assambleyasının toplantısının keçirildiyi «Four Seasons» otelinin qarşısında aksiya keçirib. Onlar erməni deputatlarının Azərbaycana gəlişinə etiraz ediblər. «Qarabağ!!!» şüarları səsləndirən etirazçılar bildiriblər ki, nə qədər Dağlıq Qarabağ işğaldan azad olunmayıb, onlar belə səfərlərə etiraz edəcəklər. Aksiya təxminən yarım saat davam edib. Daha sonra polis QAT üzvlərini ərazidən uzaqlaşdırıb.