Mayın 21-də Prezidentin yanında Əfv Məsələləri Komissiyasının iclası keçirilib.
Komissiyadan APA informasiya agentliyinə verilən məlumata görə, iclasda əfvlə bağlı müraciətlərə və təkliflərə baxılıb.
Müraciətlərin araşdırılması başa çatdıqdan sonra əfv siyahısı dövlət başçısına təqdim olunacaq.
Komissiya üzvlərinin bu yaxınlarda mətbuata verdikləri məlumata görə 28 May Respublika Günü münasibətilə prezidentin məhbusların bir qismini əfv edəcəyi gözlənir.
Adətən kimlərin əfv olunacağı prezidentin sərəncamına qədər bilinmir.
İnsan haqları fəalları Azərbaycanda 100-dən çox siyasi məhbus olduğunu, onların azadlığa buraxılmasına ümid etdiklərini deyirlər.
