Keçid linkləri

2017, 26 May, Cümə, Bakı vaxtı 09:58
“İstilər düşüb, küçəmizdə natəmizlik, antisanitariya baş alıb gedir. Ayaqyoluya da pulla aldığımız suyu tökmək məcburiyyətindəyik. Özümüz öz şəraitimizdən iyrənirik”.

SANKİ MİLÇƏK VIZILDAYIR

Su problemimindən cana doyduqlarını deyən Binəqədinin Döngə 3 ünvanında yaşayan Əmrullah Həsənovdur. O, AzadlıqRadiosunun “Qaynar xətt”inə zəng vuraraq küçənin başlıca problemi olan susuzluqdan gileylənib:

“Uzun müddətdir ki, su problemimiz var. 2 aydır ki, ümumiyyətlə, su qəhətə çıxıb. Aidiyyəti qurumlara şikayətlər edirik, sanki qulaqlarının dibində milçək vızıldayır”.

Küçənin başqa sakini Fatma Nəsibova:

“Susuzluğun qışda bir, yayda başqa problemləri var. Mərkəzin 5-10 metrliyindəyik, torpağın sotunu od qiymətinə satırlar, ancaq əhalini su, qaz, işıqla təmin etmək gələndə, onlar atlı olur, biz piyada”.

"O DƏQİQƏ TÖKÜLÜŞDÜLƏR KÜÇƏMİZƏ"

Sakinlər səslərini daha möhkəm çıxartmaq üçün mayın 17-də etiraz aksiyası da keçiriblər və hələlik müsbət qiymətləndirdikləri nəticə əldə ediblər:

“Elə ki küçəyə töküldük, onlar da tökülüşüb gəldilər. Rayonun su idarəsinin rəisindən tutmuş “Azərsu”yun işçilərinədək hamı gəlmişdi. Söz verdilər, ancaq biz də sakit dayanmaq fikrində deyilik. O sözdən o qədər eşitmişik ki... Həll olunmasa, daha böyük etiraz aksiyaları keçirəcəyik”

Ancaq Binəqədi rayon su idarəsindən “Qaynar xətt”ə deyiblər ki, bu söz o sözdən olmayacaq. İdarədən bildiriblər ki, Döngə 3 və onun qonşuluğundakı küçələrin su probleminin həllinə başlayıblar. Həmin küçələri qısa vaxtda su ilə təmin edəcəyini bildirən idarə ərazidəki su nasoslarının yenilənəcəyini də vəd edir.

Siz də şikayətinizi buradan göndərə bilərsiz

  • Zəhmət olmasa təhlükəsizlik üçün nəzərdə tutulan sualları cavablayın *

ƏLAQƏ ÜÇÜN

Çəkdiklərinizi, eləcə də şikaylətlərinizi bizə WhatsApp-dan başqa,

XS
SM
MD
LG