Avropa Şurası baş katibinin Azərbaycana yeni təyin olunan xüsusi nümayəndəsi, xanım Dragana Filipovic Bakıya gəlib.
Bu barədə APA-ya Avropa Şurasının Bakı ofisindən məlumat verilib. D. Filipovic artıq vəzifəsinin icrasına başlayıb.
D. Filipovic Belqradda anadan olub. Diplomatik karyerasına 1988-ci ildə başlayıb, BMT-də çalışıb. 2001-ci ildə Serbiyanın ABŞ-dakı səfirliyində işləyib. Serbiyanın Avropa Şurasında daimi nümayəndəsi olub.
AŞ baş katibinin Azərbaycandakı xüsusi nümayəndəsi Konstantin Yerokostopulos təqaüdə çıxıb və 2012-ci ilin avqustunda Bakını tərk edib.