Türkiyə hökuməti Twitterə qadağanı götürür

Türkiyənin telekommunikasiya işlərinə baxan dövlət qurumu TİB Twitterə qadağanı götürüb. Buna səbəb Türkiyənin Konstitusiya məhkəməsinin bu qadağanı qanunsuz saymasıdır. Məhkəmənin qərarında deyilir ki, bu qadağa söz azadlığını pozur və dərhal götürülməlidir.

Türkiyədə Twitter 2 həftədir ki, qadağan olunmuşdu.

Bu qadağa türkiyəlilər arasında böyük narazılıq, Türkiyənin Qərb tərəfdaşlarının isə tənqidini doğurmuşdu.