Keçid linkləri

2017, 26 İyul, çərşənbə, Bakı vaxtı 10:49

İraqda bir gündə 100-dən çox adam öldürülüb


Yaraqlılar Fəlluca şəhərində
-
Yanvarın 3-də İraqın Anbar vilayətində polislə sünnilər arasında baş verən toqquşmalarda 100-dən çox adam ölüb.

Sünnilər şiələrin hakimiyyət orqanlarında üstünlüyünə etiraz edirlər.

Silahlı toqquşmaların mərkəzi Fəlluca və Ramadi şəhərləridir.

Yerli hakimiyyətin verdiyi məlumata görə, toqquşmalarda 30-dan çox dinc sakin, «İraq İslam Dövləti» adlı hərbi birləşmənin 70-ə yaxın döyüşçüsü ölüb.

Polisin itkiləri barədə məlumat verilmir.

Yanvarın 2-də sünnilər «əl-Qaidə» ilə bağlılığı olan islamçıların köməyi ilə Fəlluca və Ramadi şəhərlərinin böyük bir hissəsini ələ keçiriblər. Məhəllələri üsyançılardan azad etmək üçün hərəkətə keçən ordu güclü müqavimətlə üzləşib.

Qarşıdurma dekabrın 30-da - polis hakimiyyətdə şiələrin üstünlüyünə etiraz edən sünniləri çadır şəhərciyindən qovandan sonra başlayıb.

Günün bütün mövzuları

XS
SM
MD
LG