Keçid linkləri

2024, 29 Mart, Cümə, Bakı vaxtı 17:11

«Ağa Məhəmməd şah Qacar» Naxçıvan səhnəsində də göstəriləcək


Ağa Məhəmməd şah Qacar
Ağa Məhəmməd şah Qacar
-
Naxçıvan Dövlət Musiqili Dram Teatrında yazıçı-dramaturq Əli Əmirlinin «Bütün deyilənlərə rəğmən və ya Ağa Məhəmməd şah Qacar» tarixi dramı əsasında «Ağa Məhəmməd şah Qacar» tamaşasının məşqlərinə başlanılıb.

Əli Əmirlinin AzadlıqRadiosuna bildirdiyinə görə, tamaşanın quruluşçu rejissoru Xalq artisti Kamran Quliyev, quruluşçu rəssamı Xalq rəssamı Hüseynqulu Əliyev, musiqi tərtibatçısı Əməkdar mədəniyyət işçisi İmamqulu Əhmədovdur.

Tamaşada Ağa Məhəmməd şah Qacarı Naxçıvan Respublikasının Əməkdar artisti Səməd Canbaxşıyev canlandıracaq. Xalq artisti Yasəmən Ramazanova Hökmdarın anası Ceyran xanımı, Xalq artisti Rza Xudiyev Cəfərqulu xanı, Əməkdar artist Bəhruz Haqverdiyev xidmətçini oynayacaq. Digər rollarda Əməkdar artistlər Əbülfəz İmanov (Şeyx Cəfər Tonkabuni), Xəlil Hüseynov (Axund Hacı Babək), aktyorlar Zakir Fətəliyev, Səyyad Məmmədov, Elnur Rzayev, Nurbəniz Niftəliyeva çıxış edəcəklər.

Xatırladaq ki, əsasən müasir mövzular müəllifi kimi tanınan dramaturqun tarixi mövzuda yazdığı bu əsər 2013-cü ildə Akademik Milli Dram Teatrında Xalq artisti Azər Paşa Nemətin quruluşunda «Şah Qacar» adı ilə tamaşaya qoyulub.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG