-
Hollivudun ulduz aktyorlarından Humphrey Bogart-ın çəkildiyi «Malta şahini» (The Maltese Falcon—rej. John Huston) filmindəki heykəlcik Nyu-Yorkdakı hərracda 4 milyon dollara alıcı tapıb.
«Bohnam's» Hərrac Evinin noyabrın 26-da düzənlədiyi «Arzular nədən yoğrulur» (What Dreams Are Made Of) adlı hərrac populyar Amerika filmlərindəki raritetlərə - nadir əşyalara həsr olunmuşdu.
«Malta şahini»nin yeni sahibi heykəlciklə birgə həmin filmin DVD-sini də əldə edib.
Filmdə Humphrey Bogart-ın yaratdığı obraz şahin heykəlinə baxıb deyir:
«Arzular nədən doğursa, bu şahin heykəlciyi də o materialdan yoğrulub».
Hərrac Evinin saytının yazdığına görə, ekspertlər 4 milyona satılan heykəlciyin bir neçə yerdən zədəli olduğunu bildiriblər.
Zədələrdən biri filmin çəkilişində--aktrisa Lee Patrick heykəlciyi Bogart-a verdiyi zaman yaranıb. Aktrisa heykəli əlindən yerə salıb...
Heykəlin yeni sahibinin adı açıqlanmır.
Hərracda «Kasablanka» filmində istifadə olunan əfsanəvi «Buick Phaeton» maşını 461 min dollara, Audrey Hepburn-nin «Məzəli sifət» filmində taxdığı «Givenchy» markalı şlyapa 87.5 min dollara, Vivien Leigh-nin «Küləklə sovrulanlar» filmində geyindiyi gecə köynəyi 56 min dollara satılıb.
«Malta şahini» filmi 1941-ci ildə çəkilib.
1942-ci ildə 3 nominasiyada «Oscar»a irəli sürülüb, amma film heç birini ala bilməyib.
Amerikanın həftəlik «Entertainment Weekly» jurnalı onu bütün zamanların ən yaxşı filmi sayıb.
Hollivudun ulduz aktyorlarından Humphrey Bogart-ın çəkildiyi «Malta şahini» (The Maltese Falcon—rej. John Huston) filmindəki heykəlcik Nyu-Yorkdakı hərracda 4 milyon dollara alıcı tapıb.
«Bohnam's» Hərrac Evinin noyabrın 26-da düzənlədiyi «Arzular nədən yoğrulur» (What Dreams Are Made Of) adlı hərrac populyar Amerika filmlərindəki raritetlərə - nadir əşyalara həsr olunmuşdu.
«Malta şahini»nin yeni sahibi heykəlciklə birgə həmin filmin DVD-sini də əldə edib.
Filmdə Humphrey Bogart-ın yaratdığı obraz şahin heykəlinə baxıb deyir:
«Arzular nədən doğursa, bu şahin heykəlciyi də o materialdan yoğrulub».
Hərrac Evinin saytının yazdığına görə, ekspertlər 4 milyona satılan heykəlciyin bir neçə yerdən zədəli olduğunu bildiriblər.
Zədələrdən biri filmin çəkilişində--aktrisa Lee Patrick heykəlciyi Bogart-a verdiyi zaman yaranıb. Aktrisa heykəli əlindən yerə salıb...
Heykəlin yeni sahibinin adı açıqlanmır.
Hərracda «Kasablanka» filmində istifadə olunan əfsanəvi «Buick Phaeton» maşını 461 min dollara, Audrey Hepburn-nin «Məzəli sifət» filmində taxdığı «Givenchy» markalı şlyapa 87.5 min dollara, Vivien Leigh-nin «Küləklə sovrulanlar» filmində geyindiyi gecə köynəyi 56 min dollara satılıb.
«Malta şahini» filmi 1941-ci ildə çəkilib.
1942-ci ildə 3 nominasiyada «Oscar»a irəli sürülüb, amma film heç birini ala bilməyib.
Amerikanın həftəlik «Entertainment Weekly» jurnalı onu bütün zamanların ən yaxşı filmi sayıb.