Yazıçı, telejurnalist Həmid Herisçinin bu günlərdə "Zero" nəşriyyatında çapdan çıxmış "Portretlər" kitabının təqdimat mərasimi keçiriləcək.
Nəşriyyatdan verilən xəbərə görə, təqdimat sentyabrın 28-də saat 17:00-da "Baku Creativ Center"də baş tutacaq (Bakı şəhəri, Həsən Abdullayev küç. 6).
Mərasimdə oxucular kitabı müəllifin imzası ilə əldə etmək imkanı qazanacaqlar.
Oxucular, yazarlar və media nümayəndələri tədbirə dəvətlidir
Nəşriyyat kitabı belə təqdim edir: "Kitab indiyədək cavabı tapılmayan xüsusi müəmmalar, tapmacalarla zəngindir. Burada indiyə qədər eşitmədiyiniz və oxumadığınız cizgilərin çözümü - düyünü açılır. Əsərin xüsusi güzgü effekti var - 28 portret, 28 hekayə kimi də oxuna bilər".