AzadlıqRadiosunun Türkmənistan xidmətinin əməkdaşı Yovshan Annagurban 1997-ci ilin oktyabrında jurnalistikaya dair bir beynəlxalq konfransda iştirak etmək üçün ölkədən çıxarkən Aşxabadda beynəlxalq hava limanında saxlanmışdı. Onu gizli sənədləri ölkədən çıxarmaq ittihamı ilə tutub 2 həftə həbsdə saxladılar. Yalnız beynəlxalq qalmaqaldan sonra onu azad etdilər. Bundan sonra ölkəni tərk etmək qərarına gələn jurnalist az sonra Moskvaya gedib. Xanımı və 3 uşağı da Moskvaya gedəndən sonra ailə Norveçə qaçıb. Annaqurban bir də 15 ildən sonra - 2013-cü ilin avqustunda ölkəsinə dönərək yaxınları ilə görüşə bilib. Son 15 ildə bu ölkədə nələr dəyişib, nələr olduğu kimi qalır? Jurnalist çəkdiyi fotolarda bu suallara cavab verməyə çalışır.
15 il sonra evinə dönən türkmən jurnalistin çəkdikləri
1
Türkmənistanın paytaxtı Aşxabadda dəbdəbəli yeni yaşayış binaları tikilib, amma insanların çoxu hələ də sovet hakimiyyəti illərindəki kimi heyvandarlıqla dolanırlar.
2
Aşxabadda təmtəraqlı yeni yaşayış binaları, stadionlar tikilib (sağda). Amma Annaqurbanın doğulduğu Dostluq kəndində vəziyyət hələ də 40 il əvvəlki kimidir. Uşaqlar quru torpaqda oynayırlar.
3
Aşxabadda tikilən yeni binalardan mənzil almaq da bu ölkədə hamıya nəsib olan xoşbəxtlik deyil. Belə binalarda mənzillərin qiyməti 170 000, 200 000 dollar arasında dəyişir. Əhalinin orta aylıq gəliri isə heç 300 dollara çatmır. Ona görə yeni tikilən binalarda ev alan da yoxdur. Belə binaların həyətində çox nadir hallarda sakinlər görünür.
4
Türkmənistan paytaxtında sakinlərin əksəriyyəti hələ də dar, köhnə sovet binalarında yaşamağa məcburdurlar. Amma avtomobillər sarıdan vəziyyət tam fərqlidir. Küçələrdə sovet maşınlarına demək olar rast gəlməzsən. Az qala hamı Yaponiyanın Toyota-larını, ya da Qərb ölkələrində istehsal olunmuş maşınları sürür.
Bölmələr
- Siyasət
- Sosial
- İqtisadiyyat
- Azərbaycan-Ermənistan münaqişəsi
- Dünya
- Radio: Qaynar xətt
- İslam və demokratiya
- Insan haqları
- İdman
