Ehtimallara görə kimyəvi silahlardan ilk dəfə I Dünya müharibəsi zamanı - 1914-cü ildə istifadə edilib və o vaxtdan bəri azı 1.5 milyon adamın ölümünə, ya da yaralanmasına səbəb olub. I Dünya müharibəsi zamanı daha çox xlor, xardal qazlarından, fosgen maddəsindən, II Dünya, Vyetnam müharibələrində napalm bombalarından, İran-İraq müharibəsində zarin qazından istifadə olunub. Bu ölümsaçan maddədən 1980-ci illərdə Saddam Huseyn rejimi kürd əhalisinə qarşı da istifadə edib. Hazırda Suriyada gedən vətəndaş müharibəsində də zarin qazından istifadə edildiyi və yüzlərlə adamın həlak olduğu bildirilir. 1925-ci ildə imzalanmış Cenevrə protokolu və 1992-ci ildə imzalanmış Kimyəvi Silahlara dair Konvensiya ilə kimyəvi silahlardan istifadə olunması qadağan edilib.
İndiyə qədər kimyəvi silahladan bu qədər adam ölüb
12
Vyetnam müharibəsindən 23 il keçsə də o zaman istifadə edilmiş kimyəvi silahların təsirindən 1998-ci ildə anormal uşaqların doğulmasının davam etdiyi iddia olunur. Bu foto da 1998-ci ilin noyabrında çəkilib. Anormal doğulmuş 2 yaşlı uşaq xəstəxanada yedirdilir.
13
1992-ci il 24 noyabr. BMT-nin müfəttişləri İraqda bir ton xardal qazı doldurulmuş mərmiləri yoxlayırlar. (Mənbə İraq televiziyasıdır.)
14
Çinin kimyəvi silah mütəxəssisləri 2006-cı ildə Mudanjiang şəhərində bir məktəbin yaxınlığında yerə basdırılmış minlərlə xardal qazı bombasını çıxarırlar. II Dünya müharibəsinin sonlarında Yaponiya əsgərləri bu ərazidə minlərlə xardal bombası tərk edib gediblər.
15
Bu il avqustun 23-də Suriyada paytaxt Dəməşqin ətrafında zəhərli qazla hücum nəticəsində öldürüldüyü iddia olunan uşaqların cəsədləri dəfn üçün kəfənlənib. (AFP/HO/Shaam News Network)
Bölmələr
- Siyasət
- Sosial
- İqtisadiyyat
- Azərbaycan-Ermənistan münaqişəsi
- Dünya
- Radio: Qaynar xətt
- İslam və demokratiya
- Insan haqları
- İdman
