Keçid linkləri

2024, 28 Mart, Cümə axşamı, Bakı vaxtı 18:28

«Azərbaycanfilm» kinostudiyasının 90 illik yubileyi haqqında sərəncam imzalanıb


-
Azərbaycan prezidenti İlham Əliyev Cəfər Cabbarlı adına «Azərbaycanfilm» kinostudiyasının 90 illik yubileyi haqqında sərəncam imzalayıb.

Xəbəri Mədəniyyət və Turizm İdarəsi yayıb.

Sərəncama əsasən milli kinematoqrafiyanın inkişafında müstəsna xidmətləri olan Cəfər Cabbarlı adına «Azərbaycanfilm» kinostudiyasının 90 illik yubileyinin keçirilməsini təmin etmək məqsədilə Azərbaycan Respublikasının Mədəniyyət və Turizm Nazirliyi, Azərbaycan Respublikası Kinematoqrafçılar İttifaqının təkliflərini nəzərə almaqla tədbirlər planı hazırlayıb həyata keçirəcək.

Xatırladaq ki, Azərbaycan Foto Kino İdarəsi (AFKİ) 1923-cü ildə Azərbaycan Xalq Komissarları Sovetinin qərarı ilə yaradılıb.

Daha sonra Dövlət Kino Fabrikinin yaradılmasına başlanıb və həmin il aprelin 28-də kinofabrikin açılışı olub.

Dövlət Kino Fabrikində çəkilən ilk film «Qız qalası» olub.

1925-ci ildə AFKİ-i Dövlət Kino Fabriki ilə birləşdirilərək əvvəlcə «Azərdövlətkino», sonra isə «Azərkino» adlandırılıb.

1938-ci ildən kinostudiyaya «Bakı kinostudiyası» adı verilib.

1958-ci ildən «Azərbaycanfilm» adlanıb.

1960-cı il aprelin 20-dən kinostudiya Cəfər Cabbarlının adını daşıyır.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG