-
Bu barədə Goranboy rayon Qaz istismarı İdarəsindən məlumat verilib. Bildirilib ki, kəmədəki təmir işləri ilə əlaqədar "Goranboy" və "Borsunlu" qazpaylayıcı stansiyalarından qidalanan orta təzyiqli qaz kəmərinin təbii qaz təchizatı dayandırılacaq.
ARDNŞ-nin rəsmi saytı yaydığı məlumatda deyilir ki, bundan başqa "Alvadı", "Cəlilabad" və "Göytəpə" qazpaylayıcı stansiyalarına da mavi yanacaq verilişi 2-3 gün müddətinə dayandırılır.
Təmir işləri aparılan müddətdə Yevlax, Naftalan, Ağdam, Bərdə, Ağcabədi, Tərtər, Füzuli, Beyləqan, Cəlilabad və Masallı rayonlarına təbii qazın verilişində fasilələr yaranacaq.