Pakistanda keçmiş nazirin namizəd oğlu oğurlanıb

Yaraqlılar Pakistanın Pəncab əyalətində seçkiqabağı mitinqə hücum edərək keçmiş baş nazir Yousef Raza Gilaninin oğlu Haydar Ali Gilanini oğurlayıblar.
Polis insidentin Multan şəhərində baş verdiyini deyir.

O mayın 11-də Pakistanda keçiriləcək seçkilərdə əyalət məclisinə namizədlərdən biridir.
Yaraqlılar insident vaxtı onun cangüdənlərindən birini güllələyib, 5 nəfəri isə yaralayıblar.

Mayın 9-u Pakistanda son təşviqat günüdür.
Aprelin 11-dən bu yana törədilən bu cür hücumlar nəticəsində 100-dən çox adam ölüb.