Tütün məmulatları haqqında qanuna əlavələr gözlənilir

Yaxın vaxtlarda Azərbaycanda tütün və tütün məmulatları haqqında qanuna əlavə və dəyişikliklər edilə bilər.

ANS-PRESS-in məlumatına görə, bunu Millət vəkili Musa Quliyev bildirib.
O qeyd edib ki, 2001-ci ildə qəbul edilən qanuna yetərincə nəzarət olmadığından ona dəyişiklik edilməsi labüd sayılıb.

Millət vəkili bildirib ki, qanunda konkret olaraq göstərilir ki, tədris müəssisələrinin yaxınlığında 18 yaşına çatmayan uşaqlara siqaret satışı qadağandır.
O hesab edir ki, qanunun tələblərinin pozulmasına görə hazırda nəzərdə tutulan 10-15 manatlıq cərimə də artırılmalıdır.