«H1N1 virusunun («Donuz qripi») Azərbaycana hava yolu ilə gəlməməsi üçün bütün tədbirlər görülüb». «AzAL» Dövlət Konserninin mətbuat xidmətinin rəhbəri Məhərrəm Səfərli «Azadlıq» radiosuna belə deyib. O bildirib ki, virus müəyyənləşəndən Heydər Əliyev adına Beynəlxalq Hava Limanında iş rejimi gücləndirilib. Təyyarələr dezinfeksiyaedici məhlullarla təmin olunub. Hava limanında Səhiyyə Nazirliyinin Sanitar-Karantin Xidmətinin məntəqəsi də fəaliyyət göstərir. Türkiyənin Səhiyyə Nazirliyi ABŞ-dan İstanbul vasitəsilə İraqa uçan bir nəfərdə H1N1 virusu aşkar etdiyini açıqlayıb. İndiyədək H1 N1 virusu 37 ölkədə qeydə alınıb, 7 mindən çox adam virusa yoluxub, 65 nəfər isə ölüb. |