Keçid linkləri

2016, 09 Dekabr, Cümə, Bakı vaxtı 21:37

Radio verilişlər

Təqvim

Gömrük (arxiv fotosu)

Gömrük (arxiv fotosu)

«Başqa ölkədən gətirdiyim 150 ədəd mobil telefona görə elə bir rüsum istənildi ki… Ödəməyə imkanım olmadığından gətirdiyim malların geri – aldığım ölkəyə qaytarılmasını istədim».

Ölkəyə mobil telefon gətirən sahibkar gömrükçüləri məhkəməyə verməli olub

«Başqa ölkədən gətirdiyim 150 ədəd mobil telefona görə elə bir rüsum istənildi ki… Ödəməyə imkanım olmadığından gətirdiyim malların geri – aldığım ölkəyə qaytarılmasını istədim».

Sahibkarlıq fəaliyyəti ilə məşğul olan Emin Hüseynovla gömrük əməkdaşları arasında məhkəmə çəkişməsi gedir.

Buna da bax:​ Mobil telefon idxalı 8,5 dəfə artıb

Sahibkar gömrükdə ilişib qalan malları geri – gətirdiyi ölkəyə qaytarmaq

Uzun illərdir ki, başqa ölkələrdən Azərbaycana texniki avadanlıq gətirib satan Emin Hüseynov Azərbaycan gömrüyündəki özbaşınalıqlardan, süründürməçiliklərdən danışır.

MƏHKƏMƏ İDDİASINI TƏMİN EDİB

Sahibkar ölkəyə indiyədək, əsasən, kompüter gətirirmiş. Bu dəfə sifarişlə mobil telefon gətirməli olub. Ancaq «Qırmızı körpü» gömrük sərhəd buraxılış məntəqəsində sahibkardan gətirdiyi mallara görə elə bir məbləğdə rüsum istənilib ki, donub qaldığını deyir:

«Mən həmişə kompüter gətirmişəm. İlk dəfəydi ki, telefon gətirirdim. Rüsumlardan düzü, xəbərsiz idim. Baxdım ki, ödəmək imkanım yoxdur, dedim, «götürmürəm, malları öz ölkəsinə qaytarın». Gömrükçülər məni çox süründürdülər. Gah dedilər, «apar yığ anbara», gah dedilər, «müsadirə edəcəyik». Mən onlara bütün malların rəsmi sənədlərini təqdim etdim. Bir az da qanunları xatırlatdım. Bəlkə də ona görə idi ki, istədiklərinə çatmadılar, mallarımı əlimdən ala bilmədilər. Danışıqları, davranışları o qədər kobud idi ki…»

Buna da bax: "Ofşordan istifadə eləyən elə məmurların özləri deyil?!"

Sahibkar: «Gömrükdə elə rüsum oxudular ki…»

Sahibkar gömrükdə ilişib qalan malları geri – gətirdiyi ölkəyə qaytarmaqdan ötrü gömrükçülərə xeyli ağız açandan sonra məhkəməyə müraciət etməli olub. Məhkəmə sahibkarın iddiasını təmin edib və gətirdiyi mobil telefonların aldığı ölkəyə qaytarılması barədə qərar çıxarıb.

«SƏNİ SÜRÜNDÜRƏCƏM»

'Gah dedilər, «apar yığ anbara», gah dedilər, «müsadirə edəcəyik»'

Ancaq gömrükçülər məhkəmə qərarından apelyasiya şikayəti veriblər:

«Məqsədləri sadəcə, vətəndaşı süründürməkdir. Rəislə bir az qanunla danışmışam deyə, daş atıb başını tutub ki, «səni süründürəcəm». Mən də iş adamıyam. Tez-tez xarici ölkələrə gedib-gəlirəm, süründürməçiliklərə vaxtım yoxdur. Gəncə Apelyasiya Məhkəməsinə əvvəlki məhkəmənin qərarından şikayət veriblər. Guya mən özümü gömrük işçilərinə təqdim etməmişəm. Məhkəmə də şikayətlərini təmin edib».

Buna da bax:​ «Əhali kəmərini daha çox sıxmalı olacaq»

AzadlıqRadiosu-nun sahibkarın dediklərinə gömrük orqanlarından şərh almaq cəhdləri cavabsız qalıb.

Amma gömrükçülər məhkəmədə sahibkarın iddiaları ilə razılaşmayıblar. Əksinə, onun özünü günahkar çıxarıblar. Apelyasiya şikayətlərində sahibkarın onlarla kobud davrandığını vurğulayıblar.

Çayın daşması

Çayın daşması

«Toyuğu, cücəni, bircə keçimi – hamısını sel apardı. Ev-eşik dağılıb, iki həftədir qonşu kənddə bir tanışın mal tövləsinə yığışmışıq».

Bu il avqustun 28-də Qubanın bir neçə kəndinə yağan leysan yağışları ciddi fəsadlar törədib, tələfata səbəb olub. Təbii fəlakətə məruz qalan kəndlərdən biri də Qonaqkənd inzibati ərazi vahidliyinə məxsus Ördüc kəndidir. Güclü dolunun yaratdığı sel həmin kənddə 14 yaşlı bir oğlanı, xeyli xırdabuynuzlu mal-qaranı aparmış, amma oğlanı xilas etmək mümkün olmuşdu.

Buna da bax:​ Qubada 6, İsmayıllıda 16 kəndlə əlaqə kəsilib

«İT DAMI İTQARIŞIQ GETDİ»

Təbii fəlakətə məruz qalan kəndlərdən biri də Qubanın Ördüc kəndidir.

Kənd sakini olan Firdovsi Həsənov AzadlıqRadiosu-na danışır ki, hadisənin üstündən iki həftədən çox ötüb, ancaq kəndlilər hələ də özlərinə gələ bilməyiblər:

«Paxla, kələm əkmişdim. Hamısı selə qarışıb getdi. İt damı itqarışıq getdi. Çarpayımız, pal-paltarımız... Heç nədən əsər-əlamət qalmayıb. 68 yaşım var, hələ kəndimizə belə sel gəldiyini görməmişdim».

Sel 14 yaşlı bir oğlanı, xeyli xırdabuynuzlu mal-qaranı aparmış, amma oğlanı xilas etmək mümkün olmuşdu.

Sakin hesab edir ki, bir-birinin ardınca kəndləri sel basmasının təqsiri hökumətdədir:

«Bəndlər çəkilməlidir. Axar suların istiqaməti olmalıdır ki, belə anlarda insanlar selin, suyun altında qalmasın. Kənddə hələ də içməli su problemi var. Çirkab sular içməli suya qarışıb».

Buna da bax:​ Gəncə çayı daşıb, evləri su basıb

«ARAŞDIRILACAQ»

Azyaşlıların da olduğu ailə üzü soyuqlara çarəsiz qalıb.

Azyaşlıların da olduğu ailə üzü soyuqlara çarəsiz qalıb.

Ördüc kənd icra nümayəndəliyindən «Qaynar xətt»ə bildirilib ki, kənddə baş verən təbii fəlakətlə əlaqədar fəsadların aradan qaldırılması üçün rayon icra hakimiyyəti və Fövqəladə Hallar Nazirliyi xeyli iş görüb. Yaşayış yerlərinə dolan sular xüsusi texnikayla çəkilib, kəndlilərə dəymiş zərərlər hesablanıb. Firdovsi Həsənov adlı kənd sakininin problemi də araşdırılacaq.

Buna da bax:​ "Sənədləri, bir də canımızı götürüb qaçmışıq"- [Fotolar]

Eyni gündə Ördüclə yanaşı rayonun Xaltan və Utuq kəndlərinə də güclü leysan yağışları yağmışdı. Ördücdən fərqli olaraq, həmin kəndlərin sakinləri ciddi fəsad və itkilərlə üzləşməyib.

Davamı

XS
SM
MD
LG