Keçid linkləri

2024, 19 Mart, çərşənbə axşamı, Bakı vaxtı 09:18

Xədicənin məhkəməsi davam edəcək

AzadlıqRadiosu-nun əməkdaşı, araşdırmaçı jurnalist Xədicə İsmayıla qarşı məhkəmə prosesini dəqiqəbədəqiqə izləməklə yanaşı həm də jurnalistin həbsinə aparan hadisələri yada sala bilərsiz.

AzadlıqRadiosu-nun araşdırmaçı-jurnalisti, radionun Bakı bürosunun keçmiş rəhbəri Xədicə İsmayıl 2014-cü il dekabrın 5-də Tural Mustafayev adlı şəxsi intihar həddinə çatdırmaq ittihamı ilə həbs edilib.

Sonradan bu ittiham ləğv edilib amma jurnalistə qarşı AzadlıqRadiosu-nun Bakı bürosunun rəhbəri vəzifəsində çalışdığı müddətdə vəzifə səlahiyyətlərini aşma, vergidən yayınma kimi ittihamlar da irəli sürülüb.

X.İsmayıl bildirir ki, prezident İlham Əliyev və digər yüksəkvəzifəli məmurların qanunsuz biznes fəaliyyətini araşdırdığı üçün belə basqıyla üzləşib.

Ən yeni xəbərlər bloqun əvvəlində yerləşdirilir. Mətndən aşağıda göy rəngli «davamı» düyməsini basmaqla bloqu vərəqləmək, əvvəlki postlarla da tanış olmaq mümkündür.

09:43 25.11.2015
Xədicənin məhkəməsi davam edəcək

Noyabrın 25-də saat 15.00-da Bakı Apellyasiya Məhkəməsində jurnalist Xədicə İsmayılın məhkəməsi davam edəcək. Məhkəmə prosesinə hakim İlqar Murquzov sədrlik edir.

X.İsmayıl Cinayət Məcəlləsinin 179.3.2-ci (mənimsəmə və israf etmə - külli miqdarda törədildikdə), 192.2.2 (qanunsuz sahibkarlıq), 213.1(vergi ödəməkdən yayınma) və 308.2-ci (vəzifə səlahiyyətlərindən sui-istifadə) maddələri ilə təqsirli bilinərək 7 il yarım azadlıqdan məhrum edilib.

Hazırkı apellyasiya şikayətində müdafiə tərəfi cinayət işinə xitam verilməsini, jurnalistin azadlığa buraxılmasını istəyir.

Xədicə İsmayıl ittihamları rədd edir, həbsinin jurnalist fəaliyyəti ilə bağlı olduğunu deyir.

«Amnesty International» Xədicə İsmayılı «vicdan məhbusu» elan edib.

16:40 19.11.2015

Xədicə İsmayılın məhkəməsi təxirə salındı

Noyabrın 19-da Bakı Apellyasiya Məhkəməsində jurnalist Xədicə İsmayılın məhkəməsi təxirə salınıb.

Buna səbəb vəkillərin prosesdə iştirak edə bilməməsi olub.

Hakimin sözlərinə görə, vəkillər prosesdə iştirak edə bilməyəcəkləri barədə yazılı müraciət ediblər.

AzadlıqRadiosunun müxbiri xəbər verir ki, Xədicə İsmayıl proses başlamazdan jurnalistlərə yazılı məlumat ötürərək bazar günü yetkinlik yaşına çatmayanların karserə salındıqlarını və bunun qanunsuzluq olduğunu bildirib.

Nəzarətçilər buna mane olmağa çalışsalar da o bunu edə bilib.

Növbəti məhkəmə prosesi noyabrın 25-nə təyin edilib.

09:48 19.11.2015

Xədicənin apellyasiya şikayətinə baxılır

Noyabrın 19-da Bakı Apellyasiya Məhkəməsində jurnalist Xədicə İsmayılın apellyasiya şikayəti üzrə məhkəmə prosesi davam edəcək.

Məhkəmə prosesi saat 15.00-da başlayacaq.

Əvvəlki prosesdə hakim İlqar Murquzov jurnalistin ilkin məhkəmə baxışının qərarından bir ay müddətinə kasasiya şikayəti vermək hüququ olduğunu bildirərək məhkəməni təxirə salmışdı.

X.İsmayıl Cinayət Məcəlləsinin 179.3.2-ci (mənimsəmə və israf etmə - külli miqdarda törədildikdə), 192.2.2 (qanunsuz sahibkarlıq), 213.1(vergi ödəməkdən yayınma) və 308.2-ci (vəzifə səlahiyyətlərindən sui-istifadə) maddələri ilə təqsirli bilinərək 7.5 il azadlıqdan məhrum edilib.

Hökmdən narazı qalan X.İsmayıl apellyasiya şikayəti verib. Şikayətdə barəsindəki cinayət işinə xitam verilməsi və azadlığa buraxılması xahiş olunur.

Jurnalist ittihamları rədd edir və həbsinin jurnalist fəaliyyəti ilə bağlı olduğunu deyir.

«Amnesty International» Xədicə İsmayılı vicdan məhbusu elan edib. Çoxsaylı beynəlxalq təşkilatlar, o cümlədən ABŞ Dövlət Departamenti, Böyük Britaniya, Fransa Azərbaycanı jurnalisti azad etməyə çağırıb.

16:37 29.10.2015

XƏDİCƏ İSMAYILIN ANASI ONUN DURUMU HAQQINDA MƏLUMAT VERİR

Xədicə İsmayılovanın anası onun vəziyyəti barədə danışır
Gözlə

No media source currently available

0:00 0:01:00 0:00

Davamı

XS
SM
MD
LG