26 yanvar etirazlarının xronologiyası [Video-Foto]
Yanvarın 26-da Bakıda sosial şəbəkələr vasitəsilə təşkil olunan etirazlar baş verdi. Onun iştirakçıları İsmayıllı sakinərinin etriaz çıxışları ilə həmrəy olduqlarını ifadə edir, onlara qarşı polis zorakılığını pisləyirdilər. Bakının mərkəzndəki aksiyanın qarşısını alan polis 100-ə yaxın adam saxlayıb, onlar məhkəmə cərimlərindən sonra buraxılıblar
26.01.2013
Bakıda İsmayıllıdakı etirazlara dəstək aksiyası keçirildi
Posts order:
Paylaş:
DAHA İKİ NƏFƏR CƏRİMƏLƏNDİ
Yanvarın 28-i şənbə mitinqində saxlanan iki nəfərlə bağlı Nəsimi rayon məhkəməsinin iclası keçirilib. Məhkəmə Müsavat Gənclər Təşkilatının üzvü Nərgiz Yaqublunun 500 manat, Nida Vətəndaş Hərəkatının üzvü Zaur Qurbanlının 550 manat cərimələnməsi haqda qərar çıxarıb.
Nərgiz Yaqublu AzadlıqRadiosuna deyib ki, o bu cəriməni ödəməyəcək. Gənc fəal bununla bağlı apellyasiya şikayəti verəcəyini deyib.
Yanvarın 26-da Bakıda İsmayıllı hadisələrinə dəstək məqsədilə etiraz aksiyası keçirilib. Saxlananlardan 20 nəfərin cərimə edilməsi haqda qərar çıxarılıb. Cərimələrin ümumi məbləği 12 min manatı ötür.
Paylaş:
26 yanvar aksiyasına görə cəzalananların siyahısı
HƏBS OLUNANLAR
Əbülfəz Qurbanlı - 13 sutka həbs
Türkel Azərtürk - 13 sutka həbs
Emin Milli - 15 sutka həbs
CƏRİMƏ EDİLƏNLƏR
Xətai Qafarlı - 300azn
Bəxtiyar Hacıyev - 600 azn
Turqut Qəmbər - 2500 azn
Gözəl Bayramlı - 2000 azn
Nihad Huseyn - 500 azn
Tofiq Dadaşov - 450 azn
Xədicə İsmayıl - 400 azn
Emil Bağırov - 450 azn
Ziya Bayramov - 600 azn
Elçin Cərulahzadə - 600 azn
Aygül Pəncəliyeva - 400 azn
Elnur Cərçiyev - 600 azn
Elşən Həsənov - 600 azn
Məlumatlar gəldikcə siyahı yenilənir
Paylaş:
Əbülfəz Qurbanlı - 13 gün həbs
Emil Bağırov - 400 azn cərimə
Turqut Qəmbər - 2500 azn cərimə
Aygül Pəncəliyeva - 400 azn cərimə
Ziya Bayramov - 600 azn cərimə
Elnur Cərçiyev - 600 azn cərimə
Paylaş:
Ziya Bayramov 600, Elçin Cərullahzadə 600 manat cərimə olunub.
Türkel Aztürklə AXCP Gənclər Komitəsinin sədri Əbülfəz Qurbanlıya 13 sutka həbs, Aygül Pənçəliyeva 400 manat cərimə olunub.
Paylaş:
İsmayıllı hadisələri ilə bağlı şahid qismində tanınan Vasif İbrahimov Bakıya Daxili İşlər Nazirliyinin Mütəşəkkil Cinayətkarlığa qarşı Mübarizə İdarəsinə gətirilib və sonra da həbs edilib. Vəkili Nəvaid Abbasov yanvarın 26-da Bakıya gəlib onunla görüşmək istəsə də, görüş verilməyib.
Bu barədə AzadlıqRadiosuna vəkili özü məlumat verib.
«Şahidi niyə həbs edirlər mənə aydın deyil. Bir də mənə dedilər, gəl, Bakıya görüş veriləcək. Amma çox cəhd etdim görüş vermədilər. Dedilər işi aparan müstəntiqin başı qarışıqdır, vaxtı yoxdur. Mən 20 ildir vəkillik fəaliyyəti ilə məşğulam. Birinci dəfədir belə halla üzləşirəm. Niyə müdafiə etdiyim adamlar görüşə bilməyim ki? Burda nə var ki?».
İsmayıllı rayon İcra Hakimiyyətindən rayonda tam sakitlik olduğu bildirilir. Amma ayrı-ayrı sakinlərdən aldığımız məlumatlara görə, sakitlik olsa da, həbslər davam etməkdədir.
Paylaş:
Nəsimi rayon Məhkəməsi bloqqer Emin Milli barəsində 15 sutka inzibati həbs qərarı verib.
Jurnalist Şahvələd Çobanoğlu və daha bir neçə nəfər avtobusla Bakının Lökbatan qəsəbəsinə aparılıb və orda sərbəst buraxılıb.
Paylaş:
Nəsimi rayon Məhkəməsindən buraxılanların bəziləri cərimə olunub. Bəzilərinə ilə bağlı proses isə təxirə salınıb. Onlara yanvarın 28-də məhkəməyə gəlmək tapşırılıb.
Paylaş:
AXCP sədrinin müavini Gözəl Bayramlı aksiyanın təşkilatçısı kimi 2000 manat cərimə edilib. Şahid qismində ifadə verən polis əməkdaşı deyib ki, Gözəl Bayramlı hamını aksiyaya çağırırdı. Gözəl Bayramlı isə deyir ki, o, aksiyanın təşkilatçısı olmayıb və heç kimi də aksiyaya çağırmayıb, sadəcə iştirakçı olub, İsmayıllıda insanlara qarşı təzyiqlərə etiraz edib.
Paylaş:
Səbail rayon Məhkəməsinin qərarı ilə araşdırmaçı-jurnalist Xədicə İsmayılova 400 manat cərimə olunaraq sərbəst buraxılıb.
Paylaş:
Jurnalist Xədicə İsmayılova da daxil olmaqla, Səbail rayon Polis İdarəsində saxlanılar Səbail məhkəməsinə, Nəsimi polisinin 21-ci bölməsində saxlananlardan Zaur Qurbanlı, Bəxtiyar Hacıyev, Nərgiz Yaqublu, Aygül Pəncəliyeva isə Nəsimi rayon Məhkəməsinə aparılır.
Paylaş:
Hər bazar saat 20:35-də Medya TV kanalında AzadlıqRadiosunun verilişlərinə baxa bilərsiniz.
TürkSat 2A/3 420
Pol: Vertical
Freq: 11.804 Ghz
FEC: 5/6
SR: 24.444 MS/s
Paylaş:
Bloqqer Emin Milli ilə gənc fəal Turqut Qəmbər Nəsimi rayon 22-ci polis bölməsindən çıxarılaraq aparılıb.
Bölmə qarşısında dayanan yaxınlarına onların hara aparıldığı barədə məlumat verməyiblər.
Hər iki şəxsi Nəsimi rayon məhkəməsinə aparıldığı ehtimal edilir.
Paylaş:
Nəsimi rayon Polis İdarəsinin 22-ci bölməsində 30 nəfərə yaxın aksiyaçının saxlandığı bildirilir.
Bu barədə AzadlıqRadiosuna saxlananların bölmə qarşısında dayanan yaxınları məlumat verib.
Paylaş:
Səbail rayon Polis İdarəsində araşdırmaçı-jurnalist Xədicə İsmayılova da daxil olmaqla 20-yə yaxın adam saxlanır.
Polis bölməsindən sərbəst buraxılan bir qadın AzadlıqRadiosuna saxlananlardan AXCP üzvü Kəmalə Bənanyarlının qolundan xəsarət aldığını deyib. Xədicə İsmayılovanın müdafiəsinə cəlb olunan vəkil Elçin Sadıqov polis idarəsinə buraxılmayıb.
İndiyə qədər əldə etdiyimiz məlumatlara görə, aksiya ilə bağlı 30 nəfər Xətai, 19 nəfər Nəsimi, 20 nəfərə yaxın da Səbail polisində saxlanır.
Paylaş:
Nəsimi rayon Polis İdarəsinin 21-ci bölməsinə təcili tibbi yardım maşını gəldiyi bildirilir. Bu barədə gənc fəal Kənan Qasımlı öz profilində məlumat paylaşıb. Onun yazdığına görə, tibbi yardım gənc fəal Tural Həsənzadəyə görə çağırılıb. Onun səhhətində problemlər yarandığı bildirilir.
Bölmədən AzadlıqRadiosuna saxlananların olduğunu təsdiqləsələr də, əlavə məlumat verməkdən imtina ediblər.
Paylaş:
«Yeni Müsavat» qəzeti 26 yanvar aksiyasında saxlananlardan 50 nəfərin adını dərc edib.
Paylaş:
Nəsimi rayon Polis İdarəsinin 21-ci bölməsində 19 nəfər aksiyaçı saxlanır. Bu barədə bölmədə saxlanan fəallardan biri məlumat verib.
Paylaş:
Xətai rayon Polis İdarəsinin 37-ci bölməsindən AzadlıqRadiosuna aksiya zamanı saxlananlardan 30 nəfərin bu bölməyə gətirildiyini deyiblər:
«Onlardan 15 nəfər sorğu-sual ediləndən sonra sərbəst buraxılıb. Kimin ki, günahı yoxdur, onlar buraxılacaq. Qalanları yəqin ki, məhkəmələrə göndəriləcək».
Paylaş:
Aksiyada 100-ə yaxın etirazçının saxlandığı bildirilir.
Onların Xətai, Nəsimi və Səbail rayon polis idarələrinin bölmələrində saxlandığı deyilir.
Hələ ki hüquq-mühafizə orqanlarından saxlananların sayı barədə məlumat almaq mümkün olmayıb.
Paylaş:
Aksiyaçıların 43 nəfəri Xətai rayon Polis İdarəsinin bir-neçə bölməsində saxlanır. Jurnalist Xədicə İsmayılova əvvəlcə Xətai rayon Polis İdarəsinin 1 saylı bölməsinin müvəqqəti təcridxanasına aparılsa da, sonradan onu ordan çıxararaq polis maşınına mindiriblər. Özünün verdiyi məlumata görə, ona Səbail rayon Polis İdarəsinə aparıldığını deyiblər. Onun digər saxlananlardan ayrılmasının səbəbləri barədə məlumat verilmir.
Paylaş:
Aksiyada saxlananların bir qismi Nəsimi rayon Polis İdarəsinin 21-22-ci və Xətai rayon Polis İdarəsinin 37-ci polis bölmələrinə aparıblar
Paylaş:
Hazırda «İşdən sonra» verilişində Bakıdakı bugünkü aksiya müzakirə olunur.
Paylaş:
Bulvarda davam edən aksiyada daha bir neçə saxlanan var. Onlar PPX maşınına mindirilərək ərazidən uzaqlaşdırılıb.
Paylaş:
Aksiyada yeni saxlananlar var. Saxlananlardan daha bir qrupu avtobusa mindirilərək ərazidən uzaqlaşdırılıb. Hazırda polis hamını bulvardan uzaqlaşdırır. Saxlananların sayı barədə dəqiq məlumat yoxdur.
Paylaş:
Aksiya «Park Inn» otelinin qarşısında, «Park Bulvar» Mərkəzi ətrafında davam edir. Polis səsgücləndiricilərlə aksiyaçıları dağılışmağa çağırır.
Paylaş:
Aksiya bulvarda davam edir.
Paylaş:
Aksiyada araşdırmaçı jurnalist Xədicə İsmayıl da saxlanılıb. O, aksiyada jurnalist kimi yox, vətəndaş kimi iştirak etdiyini bildirir:
«Mən və daha bir neçə nəfər bizi «UAZ»la Xətai rayon 37-ci polis bölməsinə aparırlar. Polis bizə qarşı zorakı davrandı və hamımızı zorakılıqla maşına mindirdilər».
Paylaş:
Polislər AXCP üzvü Kəmalə Bənənyarlı və AXCP sədrinin müavini Gözəl Bayramlını post-patrul maşınına mindirərək aparıblar.
Paylaş:
Jurnalistlər Şahvələd Çobanoğlu, NİDA-çılar Turgut Qəmbər, Nadir Alma, VHP-çi Nicat Kamal, AXCP-çi Əbülfəz Qurbanlı, fəallar Emil Milli, Emil Bağırov və Atabəy Ağalarbəyli, vəkil İntiqam Əliyev saxlanıblar... Həmçinin, NİDA-çılar Nazlı və Aygün Pənçəliyevalar, Cavid Əfəndi və daha 30 nəfərdən artıq aksiyaçı saxlanılıb...
Aksiya davam edir.
Paylaş:
Hüquq müdafiəçisi Məlahət Nəsibova da saxlandı. O polislərə izah etdi ki, aksiyanı müşahidə etmək üçün Naxçıvandan gəlib və o, aksiyada iştirak etmir. Amma buna polis əhəmiyyət vermədi və onu polis maşınına doğru apardılar.
Paylaş:
Avtobusda saxlananlar ərazidən uzaqlaşdırılanda, onlar «Azadlıq» şüarları səsləndirməyə başladılar. «Sahil bağı»na toplaşan adamlar da onlara həmrəylik nümayiş etdirməyə başladılar.
Paylaş:
Bloqqer Emil Milli polislə yaxınlaşıb onlardan aksiyaçılara qoşulmalarını istədi. Bu zaman onu polislər saxladı. Yaxınlıqdakı avtobusa apardılar. AzadlıqRadiosunun müxbiri həmin avtobusda 30 nəfərə yaxın aksiya iştirakçısının saxlandığını xəbər verir.
Paylaş:
Polislər jurnalistləri də ərazidən uzaqlaşdırmağa başlayıblar.
Paylaş:
Əli Əhmədov YAP qərargahından aksiyanı izləyir
Paylaş:
Bir nəfər jurnalistlər qarşısında çıxış edirdi. Onu polis saxladı. Həmin şəxs hakimiyyətə qarşı tənqidi münasibətdə olduğunu və ismayıllıları müdafiə etdiyini bildirirdi.
Saxlananlar arasında jurnalist Şahvələd Çobanoğlu da var.
Paylaş:
Polis adamlardan «Sahil bağı»nın boşaldılmasını xahiş edir. Adamlar Axundov adına Mərkəzi Kitabxanaya doğru sıxışdırılır.
Paylaş:
Bir gün əvvəl Bakı şəhər Baş Polis İdarəsinin rəis müavini Səhlab Bağırov şəhər İcra Hakimiyyəti ilə razılaşdırılmayan aksiyanın qarşısının alınacağını bildirmişdi.
Paylaş:
Aksiya başlayıb. Etirazçılar «İsmayıllı oyaqdır, Bakı ona dayaqdır», «İsmayıllı yatmayıb, qeyrətini satmayıb» şüarları səsləndirərək «Sahil bağı»nda yürüş edirlər. Polislər aksiyaçıları ərazidən sıxışdırırlar.
Paylaş:
Polis adamları «Fəvvarələr Meydanı»na buraxmadığı üçün aksiyaçılar «Sahil bağı»na doğru hərəkət etməkdədirlər. Aksiyanın keçiriləcəyi yerlərdə bir-neçə iritutumlu avtobuslarda dəbilqəli polislər var...
Paylaş:
Aksiyası başlamazdan əvvəl ərazi polis və mülkigeyimlilər tərəfindən nəzarətə götürülüb. Polislər «Fəvvarələr meydanı»na müxtəlif istiqamətlərdən girişləri bağlayıblar, meydana heç kim buraxılmır. Ərazidə su şırnağı vuran maşın dayanıb.