Bu günki AzadlıqLive-da:
İranlı fəal Abbas Lisani : "Nəfəsim gedib-gələnə kimi hüquqlarımız uğrunda işi davam etdirəcəm"
"Məhbuslara gəlincə, onlar dərdli insanlardır"- Xədicə İsmayıl həbsxana həyatından danışır
"Dərslər sentyabrın 1-də başlanıb, mayın 25-də bitsin" - Facebookda petisiyaya 4 min adam imza atıb
28 may Respublika günü - Məmmədəmin Rəsulzadənin nəvəsi Rais Rəsulzadə ilə söhbət
Türkiyənin yeni Baş naziri Binali Yıldırım Azərbaycana səfər edəcək
Bu barədə Trend-ə Türkiyənin Nazirlər Kabinetindən məlumat verilib.Nazirlər Kabinetindən verilən məlumata görə, səfər iyunun 1-də olacaq.
Bu, Binali Yıldırımın baş nazir kimi ilk xarici ssfəridir
Obama Azərbaycan xalqını və prezidentini təbrik edir
ABŞ Prezidenti Barak Obama Azərbaycan Xalq Cümhuriyyətinin yaranmasının 98-ci ildönümü münasibətilə Azərbaycan Prezidenti İlham Əliyevi və Azərbaycan xalqını təbrik edib.
Təbrikdə qeyd edilir ki, Birləşmiş Ştatların Prezidenti, qarşıdan gələn əlamətdar hadisə - Azərbaycanın müstəqilliyinin yenidən bərpa olunmasının 25 illiyi münasibətilə təbriklərini çatdırır.
Təbrik məktubunda deyilir ki, Azərbaycan son 25 ildə, xüsusilə, Avropanın enerji şaxələndirilməsini və təhlükəsizliyini dəstəkləyən enerji lideri kimi böyük uğur qazanıb.
“Biz terrorçuluğa qarşı mübarizə səyləri də daxil olmaqla, Azərbaycanın təhlükəsizlik üzrə əməkdaşlığını yüksək qiymətləndirir və Azərbaycan ilə birlikdə NATO-nun Əfqanıstanda Qətiyyətli Dəstək Missiyasında xidmət etməkdən şərəf duyuruq. Azərbaycan bütün vətəndaşları üçün təhlükəsizlik, firavanlıq və ifadə azadlığını daha da möhkəmləndirdikcə biz ona yardım etməyə hazırıq. Biz, həmçinin ölkənizin və qonşularının əmin-amanlıq və sabitlik şəraitində yaşamaları üçün Dağlıq Qarabağ münaqişəsinin sülh yolu ilə həlli istiqamətində Azərbaycan ilə işləməyə davam edəcəyik”, - deyə təbrik məktubunda qeyd edilir.