Keçid linkləri

2024, 19 Mart, çərşənbə axşamı, Bakı vaxtı 15:14

Xəstəxanada işıq söndüyündən 2 körpənin öldüyü deyilir


Foto illüstrasiya
Foto illüstrasiya

-

Salyan rayon Mərkəzi Xəstəxanasında işığın sönməsi nəticəsində iki körpənin öldüyü bildirilir.

*74 min adam Youtube Kanalımıza abunədir və gündəlik video xəbərləri bizdən izləyir. Sən də abunə ol, ölkədə baş verənlərdən xəbərin olsun

«Report»un Aran bürosunun məlumatına görə, Salyan şəhər Həsən Məmmədov küçəsi, ev 6 ünvanında yaşayan 21 yaşlı Mirzabitə Abdullayeva ötən gecə bu rayondakı mərkəzi xəstəxananın doğum şöbəsinə yerləşdirilib. Onun ailə üzvlərinin bildirməsinə görə, doğuş normal həyata keçirilib və ana üçəm dünyaya gətirib. Lakin doğuşdan 6 saat sonra xəstəxananın elektrik enerjisi kəsilib. Şüşə altında (küvez) saxlanılan körpələrdən ikisinin oksigen çatışmazlığından öldüyü, birinin isə vəziyyətinin ağırlaşdığı qeyd edilir.

Salyan rayon Mərkəzi Xəstəxanasında elektrik generatorunun olduğu bildirilir. Lakin verilən məlumatda qeyd edilir ki, generator nasaz vəziyyətdə olduğundan işləməyib.

Səhiyyə Nazirliyinin mətbuat xidmətinin əməkdaşı Səfayə Əhmədova da olaya münasibət bildirib. O faktı təsdiqləsə də, körpələrin işığın sönməsi üzündən ölməsi ilə bağlı deyilənlərlə razılaşmayıb: «Mirzabitə Abdullayeva ötən gecə saat 22:15-də üçəm dünyaya gətirib: 31 həftəlik hamiləlikdən üçəm dünyaya gəlib. Uşaqların çəkisi çox az olub. Onlara intensiv yardım göstərilib. Bütün yardımlara baxmayaraq, körpələrdən biri 01:00 da, digəri isə 01:10-da tələf olub. Mətbuatda yazılanlara gəlincə, bütün rayonda işıqlar 01:30-da sönüb. Yəni elektrik enerjisinin kəsilməsinin körpələrin ölümü ilə heç bir aidiyyəti yoxdur. Xəstəxananın reanimasiya, doğum şöbələrində generatorlar var».

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG