İslam Dövləti təşkilatının lideri Abu Bakr al-Bagdadi Səudiyyə Ərəbistanı daxilində hücumlara çağırıb. O Səudiyyə daxilində hücumların hədəfi kimi həm də şiələri göstərir.
Al-Bagdadi adından internetdə yayılan çıxışda deyilir ki, Səudiyyə rəhbərləri “ilanın başıdır”.
Reutersin məlumatına görə, Al-Bagdadinin çıxışında Ərəb dünyası boyunca xilafətin yayılmasına, “cihad vulkanına” çağırılır.
Al-Bagdadi ABŞ-ın İslam Dövləti təşkilatına qarşı apardığı mübarizənin uğursuz olduğunu bildirir.
Reuters bu çıxışın doğrudan da al-Bagdadiyə məxsus olmağının təsdiqini ala bilməyib.