-
Müxalif Milli Şura noyabrın 10-da mitinq keçirmək qərarı verib.
«Azadlıq» qəzetinə açıqlama verən şura sədri Cəmil Həsənlinin dediyinə görə, qərar Koordinasiya Mərkəzinin 31 oktyabr toplantısında qəbul edilib.
Bakı Şəhər İcra Hakimiyyətinə göndərilən məktubda aksiyanın metronun «İnşaatçılar» stansiyası yaxınlığındakı stadionda keçiriləcəyi bəyan olunub.
Cəmil Həsənli deyib ki, mitinqdə siyasi məhbus məsələsi, insan haqları sahəsindəki pozuntular, insanların sosial durumu ilə bağlı problemlər gündəmə gətiriləcək.