Ukrayna prezidenti Petro Poroshenko qərbyönümlü partiyaların parlament seçkisini qazanmasını müsbət qiymətləndirib. Tezliklə yeni höküməti formalaşdırılacağını deyib.
Oktyabrın 26-da axşam saatlarında ölkənin on milli televiziyası ilə çıxış edən prezident bildirib ki, seçicilərin 75 faizindən çoxu “Ukraynanın Avropa yoluna güclü dəstək” verib.
“Exit-poll”arın nəticələrinə görə, prezidentin bloku birinci, baş nazir Arseniy Yatsenyuk-nun rəhbərlik etdiyi “Xalq Cəbhəsi” ikinci yerdə gəlir.
Poroshenko-nun sözlərinə görə, oktyabrn 27-də koalisiya danışıqlara başlayacaq və “Xalq Cəbhəsi” onların əsas tərəfdaşı olacaq.
Prezident konstitusiyada fundamental dəyişikliklər etmək üçün parlamentdə çoxluq təşkil edəcəklərinə ümid etdiyini bildirib.
