Dünya Səhiyyə Təşkilatı bildirir ki, dünyada vərəm xəstələrinin sayı düşünüldüyündən yarım milyon çoxdur.
Bu, məlumatların toplanması işinin yaxşılaşdırmasından sonra bəlli olub.
Təşkilatın oktyabrın 22-də açıqlanan hesabatına görə, 2013-cü ildə dünyada 9 milyon adamda vərəm xəstəliyi olub, onlardan 1,5 milyonu ölüb. Xəstələr arasında 360 min adamda HİV xəstəliyi də var.
Təşkilat bildirir ki, vərəmdən ölmə isə azalır. 1990-cı ildən bəri ölümlər 45 faiz azalıb. Yoluxmaların illik sürəti də azalıb. Hər il xəstəliyə yoluxanların sayı 1,5 faiz azalır.
Vərəmə yoluxub, ancaq bu barədə məlumat verilməyən xəstələrin sayı isə 3 milyondur.
Vərəmlə mübarizədə isə ildə 2 milyard dollar pul çatışmazlığı var.