Rumıniyanın vəzifədən gedən prezidenti Traian Basescu iddia edir ki, baş nazir və prezidentliyə namizəd Victor Ponta keçmiş casusdur.
Basescu bildirir ki, Ponta prokuror olduğu vaxt 1997-ci ildən 2001-ci ilə kimi Rumıniya xarici kəşfiyyatının zabiti olub. Basescu hesab edir ki, eyni vaxtda həm prokuror , həm də casus olmaq məqbul sayıla bilməz.
Ponta bu ittihamları rədd edərək yalan adlandırıb.
Basescu iki prezidentlik dövründən sonra prezidentlikdən gedir. Ponta isə prezident seçkilərini udmağa ən real namizəddir.