Avropa Polis İdarəsi olan Avropolun Kibercinayətlər üzrə Mərkəzinin rəhbəri Troels Oerting deyib ki, dünyada bütün kibercinayətlərin arxasında təxminən 100 super kibercinayətkar durur. Onların da çoxu rusdilli dünyadandır.
Oktybarın 10-da BBC-yə müsahibə verən Oertingin sözlərinə görə, hüquq-mühafizə orqanlıarı əslində məhdud sayda proqramçını nəzarətə götürməlidir.
O, rus dilli cinayətkar qrupların virus proqramlarını necə yaratmağı və online forumlarda necə satmağından danışıb.
O bildirib ki, Rusiyanın hüquq-mühafizə orqanları ilə əməkdaşlıq yaxşılaşır.
O deyib ki, bu yaxınlarda Moskvada olub və ümid edir ki, bunun ardınca həbslər və cəzalar olacaq.