ABŞ Suriya ilə Türkiyənin sərhəddində olan Kobani şəhəri yaxınlığında İslam Dövləti yaraqlılarının mövqelərinə hava zərbələrini intensivləşdirib.
ABŞ-ın başçılıq etdiyi koalisiya oktybarın 7-dən bəri 6 hava zərbəsi endirib.
ABŞ Mərtkəzi Komandanlığı İD –nin zirehli maşınlarının və artilleriyasının məhv edildiyini bildirir.
Mühasirədə olan Kobani şəhərinin qərb tərəfindən İD öz mövqelərindən geri çəkilib.
Ancaq oktyabrın 8-də Kobani şəhərinin şərq və cənub-şərq hissələrində İD döyüşləri davam etdirir.
Suriya Kürd Hərəkatının PYD-in lideri Salih Muslim Muhammad Azadlıq Radiosuna deyir ki, Kobani küçələrində üzbəüz döyüş gedir. Onun sözlərinə görə, bundan əvvəl hava zərbələri ilə İD-nin tankları məhv edilib.
O deyib ki, hava zərbələri kürd döyüşçülərə kömək edib, ancaq hava zərbələri kifayət deyil.