Cümə axşamı, May 26, 2016 Bakı vaxtı 14:36

    Xəbərlər

    Keçmiş MTN zabitinin itkin düşməsiylə bağlı 3 nəfər həbs edilib

    Milli Təhlükəsizlik Nazirliyinin itkin düşmüş zabiti, Beynəlxalq Universitetin sabiq rektoru Elşad Abdullayevin qardaşı Mahir Abdullayevin işiylə bağlı saxlananlar var. Onlar Vaqif Hüseynov, Nəriman Ağayev və Arzu Kazımovdur. Bu haqda Respublika Prokurorluğunun yaydığı məlumatda deyilir.
     
    Onlar Cinayət Məcəlləsinin 178.3.2-ci (külli miqdarda ziyan vurmaqla dələduzluq etmə) maddəsi ilə təqsirləndirilən şəxs qismində cəlb edilərək, barələrində məhkəmənin qərarları ilə həbs qətimkan tədbiri seçilib.
     
    Məlumatda o da deyilir ki, həmin şəxslərin cinayət məsuliyyətinə cəlb edilməsi Mahir Abdullayevin bilavasitə itkin düşməsi ilə bağlı deyil, onların Elşad Abdullayevə qarşı törətdikləri dələduzluq cinayətləri ilə bağlıdır.
     
    Saxlananlardan biri Vaqif Hüseynov baş nazirin birinci müavini Elçin Əfəndiyevin köməkçisi olub. APA hüquq-mühafizə orqanlarına istinadla yazır ki, Vaqif Hüseynov Elşad Abdullayevdən qardaşının tapılması üçün bir milyon manat rüşvət alıb. 

    Saxlananlardan başqa biri Arzu Kazımovun isə “İnşaatservis-2002” şirkətinin təsisçisi və rəhbəri olduğu bildirilir. Elşad Abdullayev mətbuata deyib ki, qardaşının qaytarılması üçün Arzu Kazımova 3 milyon dollar verib. Qardaşı qaytarılmadığı təqdirdə Abdullayev pulları geri istəsə də, bu mümkün olmayıb. 
    Arzu Kazımovun vəkili deyib ki, iddialar düz deyil, müştərisi pulları Elşad Abdullayevdən 30 faiz sələmə alıb və bunu təsdiq edən notariat sənədi var.
    Mobil əlavə
    Sorğu arxivi

    FORUMLAR

    Ombudsmana etibar edirsənmi?- [Fikrini de]

    Fikrini "Şərhlər" bölümünə yaz. Səncə, insan haqları üzrə müvəkkil öz işinin öhdəsindən gələ bilirmi?

    17 şərh

    simadan: bu olkeda edalat deyilen bir seyin olmadiqi ucun hec neya inanmaq mumkun deyil ... davamı

    Xədicə İsmayıl: "Heç kəs mənə yazmağı qadağan edə bilməz"

    AzadlıqRadiosunun əməkdaşı Xədicə İsmayıl şərti cəza ilə azad edildi.

    15 şərh

    seva: Tebrikler Xedice xanim . davamı

    Xədicə: "İşimə davam edəcəm!"

    Xədicə İsmayıl deyib ki, həbsdə olanda da yazıları çıxırdı və "onlar bunun qarşısını ala bilmirdilər, o ki qaldı azadlıqda qarşısını alsınlar."

    4 şərh

    sevil: Xadija xanum, sizin garshinizda bash eyirem. Azerbaijan xalginin gehraman gizi. davamı

    Ən çox...