Cümə axşamı, May 26, 2016 Bakı vaxtı 10:46

    Xəbərlər

    Deputat Gülər Əhmədovanı rüşvətdə ittiham edən video yayıldı

    Azerbaijan -- Member of Parliament Guler Ahmedova, 2001Azerbaijan -- Member of Parliament Guler Ahmedova, 2001
    x
    Azerbaijan -- Member of Parliament Guler Ahmedova, 2001
    Azerbaijan -- Member of Parliament Guler Ahmedova, 2001

    İnternetdə millət vəkili Gülər Əhmədova ilə hazırda Fransada yaşayan Elşad Abdullayevin arasında gedən söhbətin gizli görüntüsü olduğu ehtimal edilən video yayılıb.  Elşad Abdullayevin adından  “Azadlıq” qəzetinə göndərilən və artıq Youtube`a yerləşdirilən videoda tərəflər deputat seçilmək üçün rüşvətin məbləğini müzakirə edirlər.

    Millət vəkili Gülər Əhmədovanın səsinə bənzəyən səslə danışan və ona oxşayan qadın (videonun keyfiyyəti aşağı olduğndan oradakı adamların sifətləri aydın görünmür – red.) Elşad Abdullayevdan deputat seçilməsi üçün təklif etdiyi 500 min dollarla razılaşmır, 1 milyon tələb edir.

    Videoda tez-tez Prezident Administrasiyasının rəhbəri Ramiz Mehdiyevin adı hallandırılır və Elşad bdullayev pulun ona çatmasını dəqiqləşdirməyə çalışır.

    Qeydiyyatı ləğv edilən Beynəlxaql universitetin keçmiş rektoru Elşad Abdullayev bir neçə gün əvvəl KİV-lərə müraciət edib. O, müraciətində iddia edir ki, itkin düşmüş qardaşı Mahir Abdullayevin tapılmasının əvəzində ondan 2 milyon dollar rüşvət tələb olunub.

    Elşad Abdullayevin iddialarına görə həmin məbləği millət vəkili Gülər Əhmədovanın vasitəsilə Prezident Administrasiyasının rəbərinə çatdırmalı, bundan sonra həm qardaşı sağ-salamat buraxılmalı, həm də özü deputat seçilməli imiş. Amma bu vədlərin heç biri doğrulmayanda pulunu geri istəyib. Lakin onun pulunu qaytarmayllar, özünü isə hədələyiblər.

    Bu iddialardan sonra millət vəkili Gülər Əhmədova Elşad Abdullayevi ona böhtan atmaqda ittiham edib.

    Gülər Əhmədovaya yaxınlığı ilə tanınan media orqanlarında Elşad Abdullayevin özünün rektor olduğu müddətdə korrupsiya əməllərindən bəhs edən yazılar yayılıb.

    Hələlik yayılmış videoya millət vəkili Gülər Əhmədovanın rəsmi reaksiyası açıqlanmayıb.

    Yalnız facebook-da onun adından olan profildə qeyd ediblər ki, video montajdır. Kompüter proqramı ilə oradakı səslər saxtalaşdırılıb.

    Elşad Abdullayevin rəhbəri olduğu və 1997-ci ildən fəaliyyət göstərən Azərbaycan Beynəlxalq Universiteti 2010-cu ildə Təhsil Nazirliyinin qərarı ilə bağlanıb.  Təhsil Nazirliyi Univeristetdə ciddi qanun pozuntularına görə ona verilmiş lisenziyanın müddətinin uzadılmaması qərarına gəldiyini bildirib.

    Gülər Əhmədova hakim Yeni Azərbaycan partiyasının üzvüdür.  2000-ci ildən deputatdır. 2005-ci ildə 34 saylı Xətai ikinci seçki dairəsindən millət vəkili seçilib.

    Keçən ilin oktyabrında Gülər Əhmədovanın iddiası ilə “Xural” qəzetinin baş redaktoru Əvəz Zeynallı həbs edilib. Baş Prokurorluq yanında Korrupsiyaya qarşı Mübarizə Idarəsinə verdiyi ərizəsində millət vəkili qeyd edib ki, Əvəz Zeynallı onu əlində olan hansısa faktlarla şantaj edib, materialların çap olunmaması müqabilində 10 min manat pul istəyib. O, aralarındakı telefon söhbətinin audioyazısını da sübut kimi məhkəməyə təqdim edib.  Əvəz Zeynallı da bu audio yazının montaj olduğunu bildirib. Hazırda baş redkator həbsdədir.

    AzadlıqRadiosu hadisə ilə bağlı daha ətraflı məlumatlar toplamağa, tərəflərin mövqeyini aydınlaşdırmağa və ekspertlərin rəyini öyərnməyə çalışır.  Gün ərzində saytımızı isləyin
    Mobil əlavə
    Sorğu arxivi

    FORUMLAR

    Azərbaycandakı işgəncə metodları: "Slonik", falaqqa...

    «Bir üzükdür, barmağa keçirirlər və hərbi səhra telefonundan naqillə həmin üzüyə cərəyan buraxırlar. Telefonun açarını fırlatmaqla cərəyanı artırıb azaldırlar»

    36 şərh

    On doqquz: Burada ishtirakchimiz yazir ki harada bu olkedeki kimi sakitlik var?. Mence o duz ... davamı

    Ombudsmana etibar edirsənmi?- [Fikrini de]

    Fikrini "Şərhlər" bölümünə yaz. Səncə, insan haqları üzrə müvəkkil öz işinin öhdəsindən gələ bilirmi?

    17 şərh

    simadan: bu olkeda edalat deyilen bir seyin olmadiqi ucun hec neya inanmaq mumkun deyil ... davamı

    Xədicə İsmayıl: "Heç kəs mənə yazmağı qadağan edə bilməz"

    AzadlıqRadiosunun əməkdaşı Xədicə İsmayıl şərti cəza ilə azad edildi.

    15 şərh

    seva: Tebrikler Xedice xanim . davamı

    Ən çox...